Um hótelið
Sveitahótelið Sveinbjarnargerði er staðsett við þjóðveg nr.1 um 10 mínútna akstur frá Akureyri. Þar eru 39 tveggja manna herbergi og 5 eins manns - öll með baði. Á Sveitahótelinu eru tveir salir, Veislusalurinn sem tekur allt að 110 manns í sæti og Fundarsalurinn sem tekur allt að 40 manns í sæti því tilvalið fyrir hópa - t.d. starfsmannahópa að halda árshátíðar og litla jafnt sem stóra fundi.
Skíði:
Vefsíða Skíðasvæðið Hlíðarfjalli
Frá Sveinbjarnargerði Sveitahóteli er stutt í skíðabrekkurnar á Akureyri og Dalvík og einnig er hægt er að fara í ógleymanlega skíðaferð á Kaldbak og er fólk ferjað upp á snjótroðara. Skíðabrekkan í Kaldbak eru sú lengsta á Íslandi alls 1174 metrar að lengd. Mývatnssveit er í aðeins 1 klst. stundar akstri frá Sveinbjarnargerði Sveitahóteli og skartar sínu fegursta á þessum tíma árs. Þar er einnig hægt að fara í gönguskíða- eða snjósleðaferðir og stunda ýmsa aðra afþreyingu.
Skautar:
Vefsíða Skautahöll Akureyrar
Tilvalið er að skella sér á skauta í glæsilegri Skautahöll við Naustaveg 1 á Akureyri. Hægt er að leigja skauta í öllum stærðum og gerðum gegn vægu gjaldi.
Leikhús:
Vefsíða Leikfélag Akureyrar
Fjölbreytt og skemmtileg dagskrá er væntanleg í vetur, m.a. hefst innan skamms sýning á stykkinu Fló á skinni við leikstjórn Gísla Rúnars og mun skemmtunin ekki verða að verri endanum. Enn er verið að sýna Óvitana eftir Guðrúnu Helgadóttir við góðar viðtökur og hentar sýningin allri fjölskyldunni.
Jarðböðin.
Vefsíða Jarðböðin
Jarðböðin í Mývatnssveit eru góð leið til heilsubótar fyrir líkama og sál. Opið er allt árið um kring, opnunartími á veturna er frá 12 - 22. Verð fyrir fullorðna er 1.100,-, fyrir unglinga (8-16 ára) er verðið 550,- og fyrir öryrkja, spoex og eldri borgara kostar 880,-. Aðeins er 40 mínúta akstur frá Sveitahótelinu í Jarðböðin.
Listasafnið á Akureyri.
Vefsíða Listasafnið á Akureyri